Umbreyting, heilsufarsdagbók fyrir breytingaskeiðið

Ert þú eða einhver sem þér þykir vænt um að nálgast breytingaskeiðið?

Einkenni minnkandi hormónaframleiðslu í upphafi tíðahvarfa geta læðst aftan að okkur og það getur verið erfitt að festa fingur á þær breytingar sem eru að eiga sér stað. Dæmi eru um að konur séu komnar með ýmis alvarleg einkenni hormónaþurrðar án þess að hafa tengt þau við breytingaskeiðið.

Á þessu æviskeiði getur því verið gott að halda markvisst utan um líðan og þróun einkenna. Þessi bók er hugsuð sem stuðningur við þig sem vilt taka ábyrgð á eigin heilsu og takast á við umbreytinguna á meðvitaðan og uppbyggilegan hátt.

Í bókinni er að finna fróðleik og góð ráð, 52 vikuyfirlit til að skrá einkenni, 12 milliyfirlit til að halda utan um svefn, hreyfingu, mataræði og líðan, skipulagsblöð fyrir læknisheimsóknir og rými fyrir hugleiðingar.

Bókin er ódagsett og því hægt að skrá þegar hentar.